Një regjim që torturonte në shkallë industriale

Nga Frank Gardner, BBC

Bashar al-Assad kryesoi një regjim që torturonte kundërshtarët e tij dhe të pafajshëm të tjerë të panumërt, në një shkallë industriale.

Burgu Sednaya, i quajtur “Thertorja”, mund të ketë qenë më famëkeqi nga të gjitha burgjet e Sirisë, por kishte gjithashtu një sistem të gjerë, mbarëkombëtar të paraburgimit, marrjes në pyetje dhe dënimit.

Çdo degë e aparatit të sigurisë – inteligjenca ushtarake, inteligjenca e forcave ajrore, inteligjenca politike e kështu me radhë – kishte birucat e veta ku njerëzit thjesht zhdukeshin.

Dëshmitë nga të mbijetuarit dhe grupet e të drejtave të njeriut tregojnë se të burgosurit  detyroheshin të betoheshin se “Bashari është zoti ynë”.

Njerëzit e arrestuar me pretekstin më të vogël detyroheshin të nënshkruanin rrëfime për krime që nuk i kishin kryer.

Disa i kishin torturuar dhe përdhunuar të afërmit e tyre para syve derisa ata zbuluan emrat e kujtdo që dyshohej se kundërshtonte regjimin.

Mbajtja e përgjegjësive ka të ngjarë të jetë një proces i gjatë dhe i dhimbshëm, ndërsa Siria përpiqet të shërojë plagët e diktaturës gjysmëshekullore.