“O u q**** se vdiqa”, momenti kur Korreshi shpërthen në të shara

Seanca e së enjtes në Parlamentin e Shqipërisë u shoqërua me përplasje dhe tensione të forta mes deputetëve të opozitës dhe Gardës së Kuvendit.

Deputeti demokrat i Lushnjes, Saimir Korreshi, u filmua duke u tërhequr zvarrë nga kolegët e tij teksa përplaseshin me Gardën. Pavarësisht dhimbjes dhe presionit, ai nuk dorëzohej, herë pas here duke lëshuar sharje dhe fyerje ndaj punonjësve të Gardës, ndërsa mimika e tij tregonte vuajtjen nga situata kaotike.

Tensionet nisën kur opozita bllokoi ulëset e disa ministrave për të penguar ceremoninë e betimit të Avokatit të ri të Popullit, Endrit Shabani. Ai, megjithatë, u betua mes flakadanëve dhe iu drejtua deputetëve opozitarë me një puthje para se të largohej nga salla.

Kryetari i Kuvendit, Niko Peleshi, përjashtoi Klevis Balliun dhe Flamur Nokën nga seanca, por paqja nuk u vendos. Socialistët vijuan me votimin e projektligjeve në rend të ditës, ndërsa deputetët demokratë vazhduan thirrjet kundër qeverisë, Kryeministrit Rama dhe zëvendëses së tij, Belinda Balluku.