Prokurorja që mbylli dosjet korruptive të Plarent Ndrecës

Suela Salavaçi, prokurore në Prokurorinë e Tiranës u konfirmua në detyrë nga Komisioni i Pavarur i Kualifikimit më datë 28/09/2023. Në seancën e 26 shtatorit, togat e zeza vlerësuan pozitivisht kriterin e pastërtisë së figurës, teksa kërkuan shpjegime mbi kriterin profesional dhe atë të pasurisë.

Te kriteri i pasurisë trupa gjykuese u ndal më së shumti, ku Salavaçi për rreth tri orë u desh të shpjegonte pozicionin e saj për të rrëzuar disa nga gjetjet të publikuara në dokumentacionin e saj mbi pasurinë e akumuluar prej prokurores dhe familjes së saj.

Por gjatë seancës së datës 26 shtator, përfaqësuesi i ONM, Ferdinando Buatier de Mongeot, kërkoi që dosjet pushuara, mes tyre dhe e Plarent Ndrecës, të bëheshin pjesë e raportit hetimor dhe prokurorja Salavaçi të shkarkohej.

Një prokuror i SPAK, mik konfidencial i gruas së Plarent Ndrecës, në pazar me ish-drejtuesin Arben Kraja, nuk e futën Plarentin në dosja e vjedhjeve dhe korrupsionit, me vlerë 150 milionë Euro në tenderin e uniformave policore dhe tenderët në Agjencisë së Përqendruar, kur ishte Sekretar i Përgjithshëm në Ministrinë e Brendshme…

Gjatë një kontrolli të planifikuar, KLSH zbuloi se Plarent Ndreca, vetëm në një tender kishte përlarë 730 mijë Euro, duke vepruar me kompetencën e autoritetit kontraktor të Ministrisë së Arsimit që planifikon tenderët, por kishte uzurpuar dhe drejtimin e komisionit të tenderëve.

Ish-sekretari Plarent Ndreca u kallëzua penalisht nga KLSH më 12 maj 2015, me prova për “Shpërdorim detyre dhe pabarazi në tenderë”, duke favorizuar biznesmenin Pandeli Carapuli, mik i Edi Ramës dhe ndërtues i sarajeve të tij në Surrel.

Dosja Penale Nr. 4168/2015 e Plarent Ndrecës, u bllokua 27 muaj nga prokurorja Suela Salavaçi, ndërsa më 12 korrik 2017 ajo e pushoi si çështje, duke deklaruar se provat e krimit financiar që paraqiti KLSH-ja nuk ishin të vërteta, ndërsa Plarent Ndrecën e shpalli “të pastër”.

Por pushimi i çështjes penale për vjedhjet e Plarent Ndrecës në Ministrinë e Arsimit, ka dalë në skenë në muajin shtator 2023, gjatë vetingut të prokurores së Tiranës, Suela Salavaçi; dosje të cilën e hoqi nga raporti hetimor, relatorja e vettingut, Etleda Çiftja në bashkëpunim me komisionerët Alma Faskaj e Suela Zhegu dhe miratim të kryetares së KPK, Pamela Balluku.

Pas heqjes së dosjes penale “Plarent Ndreca” e disa dosjeve të tjera; me Vendim nr. 703, datë 28 shtator 2023, prokurorja Suela Salavaçi kaloi vettingun, por gjatë seancës së datës 26 shtator, përfaqësuesi i ONM, Ferdinando Buatier de Mongeot, kërkoi që dosjet pushuara, mes tyre dhe e Plarent Ndrecës, të bëheshin pjesë e raportit hetimor dhe prokurorja Salavaçi të shkarkohej.

Me kërkesë Nr. 457/7, datë 22 nëntor 2023, ONM dhe Komisioneri Publik, i janë drejtuar vettingut të apelit, për shkarkimin e prokurores Suela Salavaçi, me prova se ka mbrojtur qeveritarët e korruptuar me pushim hetimesh, duke mos i çuar para drejtësisë, siç veproi në korrik 2017, me krye hajdutin Sekretar i Përgjithshëm i Ministrisë së Arsimit, Plarent Ndreca.

Ndërsa një prokuror i SPAK, mik konfidencial i gruas së Plarent Ndrecës, në pazar me ish-drejtuesin xhambaz Arben Kraja, nuk e futën Plarent Ndrecën në dosjen e vjedhjeve dhe korrupsionit, me vlerë 150 milionë Euro në tenderin e uniformave policore dhe tenderët në Agjencisë së Përqendruar, kur ishte Sekretar i Përgjithshëm në Ministrinë e Brendshme.

Sipas informacionit, qokën që i bëri prokurorja Suela Salavaçi,  Plarent Ndreca ia shpërbleu kur ishte Sekretar i Përgjithshëm në Ministrinë e Brendshme, duke e informuar paraprakisht për aksionet e Policisë së Anti-krimit në agjencinë e mikro-kredive mashtruese, ku drejtues ishte Elvin Salavaçi, familjar i prokurores Suela Salavaçi.

Por Plarent Ndreca, kur ishte në Ministrinë e Brendshme, bashkëshortin e saj OPGJ Besnik Muçmata, e ka shpëtuar disa herë nga pezullimi e procedimi penal prej SHÇBA, ndërsa më pas e çoi Shef Sektori në Drejtorinë e Përqasjes Juridike Policore.