Operacioni “Forca e Ligjit”/ Marku, Ahmetaj, Gjonaj dhe kreu i SHISH takim në zyrën e Xhafaj

Operacioni i bujshëm policor ‘Forca e Ligjit’ ka vënë në lëvizje disa nga zyrtarët e lartë të shtetit. Kryeprokurorja e Përgjithshme, Arta Marku, ka shkuar këtë mesditë në zyrën e ministrit të Brendshëm, Fatmir Xhafaj, ku ka zhvilluar një takim, shoqëruar dhe nga ministrja e Drejtësisë, Etilda Gjonaj, kreu i komaduar i SHISH, Helidon Bendo, dhe ministri i Financave, Arben Ahmetaj.

Report Tv mësoi se takimi mes Markut, Gjonajt, Ahmetajt, Bendos e Xhafajt zgjati rreth 45 minuta dhe në fokus të tij kanë qenë grupet kriminale që veprojnë në Shqipëri, si dhe pasuritë e tyre të pajustifikuara. Kjo është vizita e parë e Kryeprokurores Marku me ministrin Xhafaj në Ministrinë e Brendshme.

Operacioni ‘Forca e Ligjit’ synon të godasë grupet kriminale dhe sekuestrimin e pasurive të tyre. Ai pritet të vërë në pranga persona që kanë pasuri të pajustifikueshme, ndaj dhe në takim ka qenë dhe ministri Ahemtaj.