Pamjet nga ajri të përmbytjeve në Gjermani, deri tani mbi 120 persona kanë humbur jetën

Si pasojë e përmbytjeve në Gjermani numri i personave që kanë humbur jetën ka shkuar në 120, ndërsa shumë të tjerë rezultojnë të zhdukur.

Reshjet rekord të shiut në Evropën veri-perëndimore bënë që lumenjtë të shpërthenin brigjet e tyre, duke shkatërruar rajonin.

Shtetet gjermane të Rhineland-Palatinate dhe North Rhine-Ëestphalia ishin më të goditurat, raporton BBC.

Së fundi po qarkullon edhe një video e realizuar nga helikopteri teksa shihen dëmet që kanë shkaktuar vërshimet në qytetin Erftstadt, jug-perëndim të Kolnit.

Kancelarja gjermane Angela Merkel bëri thirrje për një betejë të vendosur kundër ndryshimit të klimës.

Shkencëtarët kanë paralajmëruar në mënyrë të përsëritur se ndryshimi i klimës i shkaktuar nga njeriu do të sillte impulse të reshjeve ekstreme të tilla si ky.