Përgjegjësi morale

Shumë vite më parë në Austri përplasen dy trena dhe nga përplasja plagosen dhjetra persona. Ministri i Transportit dha dorëheqjen asokohe. Pse e dha dorëheqjen?!

E dha dorëheqjen sepse përtej një përgjegjësie individuale ka një përgjegjësi morale, të cilën kabineti rilindas e ka shfaqje të huaj dhe as nuk e njeh hiç si koncept.

Pra, në të vërtetë Ministri i Transportit në Austri nuk ishte duke ngarë trenin kur ndodhi përplasja, por ishte duke ngarë ministrinë në ato çaste e meqënëse ishte duke ngarë Ministrinë e Transporteve, përgjegjësia morale binte pashmangshmërisht mbi të.

Ndërkohë në Shqipëri çdo skandal konsiderohet përgjegjësi individuale duke harruar se individi nuk është korruptuar si individ në shtëpinë e tij, por është korruptuar si një nënpunës në një institucion shtetëror , që ka një titullar mbi kokë mbi të cilin bie pashmangshmërisht përgjegjësia morale.

Post Scriptum- Institucioni i përgjegjësisë morale është krejt i huaj në realitetin shqiptar.