Presidenti afgan mesazh popullit: Ika për të shmangur gjakderdhjen

Presidenti afgan Ashraf Ghani thotë se ai mori vendimin e vështirë për t’u larguar nga vendi për të shmangur gjakderdhjen në kryeqytetin prej gjashtë milionë banorësh.

Ghani i bëri komentet në një postim në Facebook drejtuar qytetarëve afganë, ndërsa raportohet se ai është larguar në Taxhikistan.

Sipas tij, nëse do të kishte qëndruar shumë qytetarë do të martirizoheshin dhe Kabuli do të shkatërrohej.

“Sot kam bërë një zgjedhje të vështirë; të ngrihesha në këmbë, të përballesha me talibanët e armatosur që donin të hynin në pallatin presidencial, ose të ikja nga atdheu që sakrifikova jetën për njëzet vitet e kaluara. Po të kisha qëndruar, shumë bashkatdhetarë do të martirizoheshin dhe Kabuli do të shkatërrohej dhe rezultati do të ishte një katastrofë e madhe njerëzore në këtë qytet gjashtë milionësh. Talebanët planifikuan dhe ishin gati të më hiqnin dhe të sulmonin tërë Kabulin dhe popullin e Kabulit. Për të shmangur përmbytjen e gjakderdhjes, vendosa më së miri të iki”, thuhet në mesazhin e Presidentit.

Më tej ai thotë se talebanët fituan gjykimin armës dhe tani ata janë përgjegjës për mbrojtjen e dinjitetit, pasurisë dhe vetëvlerësimit të bashkatdhetarëve.

“Ata nuk e kanë fituar legjitimitetin. Ata tani po përballen me një test të ri historik, ose do të mbrojnë emrin dhe nderin e Afganistanit ose do t’i japin përparësi vendeve dhe rrjeteve të tjera. Shumë njerëz dhe kanë frikë dhe nuk kanë besim në të ardhmen. Talebanët duhet të sigurojnë të gjitha kombet, motrat dhe gratë e Afganistanit për të fituar legjitimitetin dhe zemrat e popullit. Bëni një plan të qartë  dhe ndajeni me njerëzit. Unë gjithmonë do të vazhdoj t’i shërbej popullit tim”, mbyllet mesazhi  Ashraf Ghani, duke shkruar “Rroftë Afganistani”.