Publikohen tezat e Ekonomisë dhe Fizikës

15 minuta pasi nxënësit hyjnë në provim

Edhe këtë herë, si në tre provimet e tjera, janë publikuar tezat e promovimeve. Ditën e sotme maturantët po zhvillojnë provimin e lëndëve me zgjedhje, por vetëm 15 minuta sapo ata kanë hyrë në salla është publikuar njeri variant i tezës së Fizikës dhe ai i Ekonomisë.

Ditën e djeshme kanë dalë dhe rezultatet e maturantëve në provimin Gjuhë Shqipe dhe Letërsi. Këtë vit Kalueshmëria është 98.38% dhe me notën 10 janë vlerësuar rreth 5.73% e maturantëve.

Konkretisht, janë 1591 nxënës që janë vlerësuar me notën 10 e nga këta, vetëm 15 kanë arritur të marrin 10 absolute. Nga ana tjetër, janë 1602 maturantë mbetës, të vlerësuar me notën 4.

Po ashtu është bërë publike dhe teza e psikologjisë:

Kujtojmë se këtë të hënë janë duke iu nënshtruar provimeve me zgjedhje mbi 30 mijë maturantë, ku procesi i testimit ka nisur në orën 10:00 dhe do të zgjasë 2 orë e 30 minuta.

Në provim janë të përfshira të gjithë nivelet e vështirësisë dhe për herë të parë këtë vit do të ketë një test të veçantë për nxënësit me aftësi ndryshe.

Një tjetër risi e maturës do të jetë heqja e fletë përgjigjeve të provimeve, një kërkese kjo e maturantëve dhe mësuesve pasi shkaktonte konfuzion te maturantët dhe ngatërresa në korrigjime.

Kujtojmë që një ditë më parë dolën rezultatet e provimit të maturës për lëndën e Gjuhës Shqipe dhe Letërsisë.