Putin kërkon tërheqjen e NATO-s në kufijtë e 1997-s, inteligjenca gjermane: Rusia është përgatitur për luftë në Ukrainë

Presidenti Vladimir Putin i ka thënë homologut të tij francez se Perëndimi ka injoruar shqetësimet e sigurisë së Rusisë, mes frikës se Rusia mund të pushtojë Ukrainën. SHBA hodhi poshtë një kërkesë kryesore të Moskës që NATO të përjashtonte mundësinë e anëtarësimit të Ukrainës në aleancën e mbrojtjes – por këmbënguli se ajo po i ofronte Rusisë një “rrugë diplomatike”.

Presidenti Biden thotë se Rusia mund të pushtojë Ukrainën muajin e ardhshëm. Inteligjenca gjermane thotë se Rusia është e përgatitur për të sulmuar, por ende nuk ka vendosur ta bëjë këtë. Rusia mohon se po planifikon një sulm.

Por të premten, Putin i tha presidentit francez Emmanuel Macron se ngërçi nuk ishte zgjidhur.

“Përgjigjet e SHBA-së dhe NATO-s nuk morën parasysh shqetësimet kryesore ruse si parandalimi i zgjerimit të NATO-s, mosvendosja e sistemeve të armëve goditëse pranë kufijve rusë, ose kthimi i potencialit ushtarak dhe infrastrukturës së aleancës në Europë në pozicionet ekzistuese në 1997,” tha shefi i Kremlinit.

Ky është komenti i parë i Putinit për krizën, pasi SHBA refuzoi kërkesën kryesore të Rusisë. Ai i tha Macron se do të studionte nga afër kundërpropozimet e SHBA-së përpara se të vendoste për ndonjë veprim të mëtejshëm.

Franca tha se të dy udhëheqësit kishin rënë dakord për nevojën e qetësimit të situatës dhe Macron i kishte thënë Putinit se Rusia duhet të respektojë sovranitetin e shteteve të saj fqinje. Gjithashtu të premten, presidenti ukrainas Volodymyr Zelensky u duk se nënvlerësoi paralajmërimin e Biden për një pushtim në shkurt.

Ai u tha gazetarëve se tensionet nuk po përshkallëzoheshin aktualisht, duke thënë: “Nuk kemi nevojë për panik”. Zelensky tha se Ukraina nuk duhet të jetë objekt i një marrëveshjeje midis Bidenit dhe Putinit dhe në vend të kësaj duhet të përfshihet në bisedime.

Presidenti ukrainas tha se lëvizjet nga Britania e Madhe dhe SHBA për të tërhequr disa nga stafi i ambasadës dhe të afërmit e tyre nga Ukraina kishin qenë një gabim. Ndërkohë kreu i shërbimit të inteligjencës së jashtme të Gjermanisë tha se Rusia ishte e përgatitur për të sulmuar Ukrainën, por ende nuk kishte vendosur nëse do ta bënte këtë.

“Unë besoj se vendimi për të sulmuar nuk është marrë ende”, tha Bruno Kahl për agjencinë e lajmeve Reuters.

Sekretari i Përgjithshëm i NATO-s, Jens Stoltenberg tha se aleanca ishte e gatshme të rriste praninë e saj në Evropën Lindore për të demonstruar vendosmërinë e saj. Stoltenberg tha se Rusia po dislokonte mijëra trupa të gatshme luftarake dhe sisteme raketore në Bjellorusi, e cila gjithashtu kufizohet me Ukrainën.

Ushtaret FEMRA që po trembin Ukrahinën/ Vladimir Putin prezanton “armën sekrete” në konfliktin me fqinjin e tij (Foto)

Rusia ka në dispozicion një batalion ushtaresh femra të armatosura me buzëkuq dhe bojë thonjsh, të cilat organizojnë konkurse bukurie ku gjykohen si për pamjen e tyre ashtu dhe për aftësitë në fushëbeteje, shkruan satirikja britanike Daily Star.

Në eventin e vitit të kaluar këto ushtarake “u lyen në fytyrë me bojra të ndryshme kamuflazhi, me yje e flamurë”, për të ndezur ngjyrat rreth tyre. Gratë gjithashtu përdorën automatikë AK-47.

Sipas raportimeve Putin i ndalon ushtareve të tij femra role në luftim në frontin e parë, duke u lënë role mbështetëse në rast inkursionesh ose pushtimi.Zhvillimi vjen teksa presidenti francez Emmanuel Macron kreu sot një telefonatë me liderin rus me qëllim zbutjen e tensioneve.

Putin ka kërkuar distancimin e Ukrainës nga NATO, megjithëse SHBA thotë se është e drejtë sovrane e Ukrainës të bëhet pjesë e aleancave të sigurisë.