Rama reagon ashpër: Turpi u vulos si vlerë

Kryeminsitri Edi Rama, ka reaguar ashpër pas vendimit të Komitetit të Nobelit, për t’i akorduar këtë çmim për Letërsinë shkrimtarit austriak Peter Handke.

Në twitter, Rama e vlerëson si të turpshme zgjedhjen e shkrimtarit austriak Peter Handke si fitues i çmimit, ndërsa shkruan mes të tjerash se “paturpësia po bëhet pjesë normale e botës ku jetojmë”.

“Kurrë nuk kisha menduar se do të bëhej për të vjellë për shkak të një çmimi Nobel, por paturpësia po bëhet pjesë normale e botës ku jetojmë. Pas zgjedhjes së turpshme të bërë nga një autoritet moral, siç është Akademia Nobel, turpi është vulosur si një vlerë e re. JO, ne nuk mund të bëhemi kaq të ftohtë ndaj racicizmit dhe gjenocidin”, shkruan Rama.

Shkrimtari austriak, Peter Handke, njihet për mbështetjen e tij të hapur ndaj Sllobodan Millosheviçit. Madje Handke ka qenë dhe një nga personat që ka mbajtur një fjalim në varrimin e atij që njihet në historinë botërore si “Kasapi i Ballkanit”.