Raundi i dytë i negociatave, Kremlini bën të qartë: Nuk është biseduar për nënshkrimin e ndonjë dokumentacioni zyrtar

Zëdhënësi i Kremlinit, Dmitry Peskov ka deklaruar se mes delegacionit rus dhe ukrainas nuk është biseduar për nënshkrimin e një dokumenti zyrtar pas raundit të dytë të bisedimeve të së enjtes midis dy palëve.

“Raundi i dytë i negociatave u zhvillua dje,” tha Peskov në një konferencë me gazetarët. “Është një mundësi që delegacionet t’i përcjellin njëri-tjetrit të gjithë kushtet e palëve pa ndërmjetës të panevojshëm. Qëndrimi jonë iu është vënë në dukje palës ukrainase.”