Real Madrid-Barcelona, ndeshje speciale për Valverden

Mbrëmjen e sotme Ernesto Valverde do të arrijë 100 ndeshje në krye të Barcelonës dhe shpreson ta bëjë këtë gjë me kualifikimin për në finalen e Kupës së Mbretit.

Barcelona do të përballet në “Santiago Bernabeu” me Realin e Madridit në gjysmëfinalen e kthimit, teksa e para e luajtur në “Camp Nou” pati përfunduar në barazim 1-1.

“Jam i lumtur dhe i kënaqur. Nuk e dija që bëja 100 ndeshje, por është vendimtare. Luajmë kualifikimin për në finale dhe për më tepër është ‘El Clasico’. Do të jetë e vështirë, sepse nuk kemi rezultat pozitiv që nga fillimi. Është një përballje e hapur dhe e dimë forcën e rivalit. Shpresojmë të kalojmë në finale”, theksoi tekniku i katalanasve.”