Rey Manaj përjetësohet në grafit në mes të Mitrovicës

Pas golit historik që i dha fitoren Shqipërisë ndaj Serbisë në Leskovac, sulmuesi kuqezi Rey Manaj është përjetësuar në një grafit murali në qytetin e Mitrovicës.

Artistë lokalë kanë zgjedhur të pikturojnë momentin ikonik të festës së Manajt me simbolin e shqiponjës, si një mënyrë për të nderuar heroin e ndeshjes që i dhuroi shqiptarëve një emocion të paharrueshëm.

Grafiti është kthyer shpejt në një atraksion lokal, duke tërhequr banorë dhe tifozë që ndalen për të bërë fotografi pranë portretit të sulmuesit.

Fitorja 0:1 në transfertë ndaj Serbisë ishte një arritje e madhe për kuqezinjtë dhe një disfatë që solli pasoja të menjëhershme për kundërshtarin teksa trajneri serb Dragan Stojkoviç dha dorëheqjen menjëherë pas ndeshjes.