Rrëzimi i avionit. Shpëtojnë dy bebe

Viktimat kishin dërguar mesazhe urgjente SOS në median sociale pas rrëzimit të avionit të Bek Air.

Burimet thanë se avioni nisi të humbiste lartësi dhe u përplas përmes një muri betoni me një shtëpi dykatëshe.

Fillimisht pati konfuzion për numrin e viktimave. Ministria e Brendshme e Kazakistanit tha se zyrtarisht janë 12 viktima.

Pasagjerët e dëshpëruar nxituan të kërkojnë ndihmë në median sociale për t’i shpëtuar nga rrënojat. Ata druheshin se avioni mund të shpërthente.

Avioni nisi të kishte probleme sapo u ngrit nga pista dhe u zhduk nga radari duke u përplasur në fshatin Almerek.

Një reporter i Reuters tha se zona ishte mbuluar me mjegull të fortë.

Avioni u nda në dy pjesë.

“Papritur avioni nisi të dridhej fort. Në fund erdhi rrëzimi. Gjithçka nisi të shpërbëhej. Dëgjoja vetëm ulërima. Dikush hapi derën e urgjencës dhe vrapuam jashtë,” tha një e mbijetuar.

Një gazetare investigative ishte mes viktimave.

Edhe kapiteni i avionit humbi jetën në spital.