Sa shumë viktima të pafajshmëve që mbetën pas vrasjeve mafioze

Mimoza Paja bashkë me mbesën e saj 10-vjecare që e rriste mes mundimesh, ndodhej si cdo mbrëmje në vendin e saj të punës. Duke shërbyer në banakun e një lokali në zonën e Don Boskos.

Papritmas një mbrëmje marsi të vitit të kaluar në drejtim të lokalit në pronësi të Fatjon Muratit një emër i njohur I botës së krimit, u qëllua me breshëri kallashnikovi. Plumbat i morën jetën Mimozës. Mbesa e mitur i mbijetoi atentatit me disa lëndime që pësoi nga thyerja e xhamit. Të plagosur mbetën disa persona.

Motivi ishte përplasja e fortë mes grupeve kriminal pjesë e të cilit ishte dhe Fation Murati me klanin kundërshtar të Ervis Martinaj, mbretit të bixhozit të zhdukur pa gjurmë prej gushtit të 2022.

Por Mimoza Paja nuk është e vetmja viktimë e pafajshme e përplasjes mes grupeve.

Në mesnatë në Memaliaj, u qëllua në drejtim të lokalit të Shyqyri Kalemit, babait të dy vëllezërve Adrea alias Adriatik Kalemi dhe Zamir Kalemi.

Ai mbeti I vrarë. Viktima mbetën edhe dy njerëz të pafajshëm.

Gledio Muka, kamarieri I lokalit dhe klienti Marsel Cela. Të dy u gjendën mes breshërisë së plumbave që u derdhën mbi Shyqyri Kalemin duke e lënë të vrarë dhe vëllain e tij Artur Kalemi që mbeti i plagosur. Policia thotë se asnjëri nuk ka lidhje me përplasjen që familja Kalemi ka me fisin e Edmond Papës. Sulmi me armë ndaj televizionit Top Channel rreth orës 1 të datës 27 mars 2023, është një tjetër ngjarje tronditëse që ende nuk ka një autor.

Nga breshëria e plumbave, humbi jetën roja e godinës, Pal Kola 60 vjec. Pali ishte një viktima e pafajshme. U qëllua brenda vendqëndrimit të tij me një plumb.

Shpresa Basha, halla e Marklen Hakës, u vra gabimisht mbrëmjen e 21 shtatorit 2019, teksa një togë vrasësish mbërriti në fshatin Zezë për të ekzekutuar nipin e saj, një emër kontrovers i botës së krimit, i shpallur së fundmi në kërkim nga SPAK në kuadër të operacionit Revanshi.

20 vjeçari Musaen Zeneli u vra nga përplasja me armë në Velipojë mes 2 familjeve pronarë hotelesh, për disa metra territor plazh. Kamarieri me 30 lekë në xhep humbi jetën pasi familja Ferracaku dhe Gocaj nisën të përlesheshin me njëri-tjetrin, një prej plumbave ra në zemrën e Zenelit, e cila pushoi brenda pak sekondave.

Lista e njerëzve të pafajshëm që kanë humbur jetën në atentate mafioze është e gjatë.

E ngjan për fat të keq, se do të vazhdojë për sa kohë që në Shqipëri togat e vrasësve nuk kursejnë askënd./ VNA