Shënohet viktima e parë nga koronavirusi në Kosovë
Viktima është një 82 vjeçar nga Podujeva, dhe bëhet viktima e parë që ka humbur jetën nga koronavirusi në Kosovë, pas 31 rasteve të konfirmuara me virus.
Lajmi është konfirmuar nga Instituti i Shëndetit Publik në Kosovë
“Klinika Infektive informoi se sot, pacienti 82 vjeç nga Dumnica e Podujevës, ka përfunduar me vdekje më 22.03.2020 në ora 9.00.
Ky është rasti i parë me vdekje nga COVID 19.
Pacienti lindur më 1938 fshati Dumnicë, Komuna Podujevës është pranuar në Klinikën Infektive më 16.03.2020 në ditën e 6 të sëmundjes me shenja të infiltrimit pulmonar dhe pneumonisë masive majtas është diagnostikuar në Laboratoret e IKSHPK me SARS-CoV-2.
Pacienti ka patur edhe sëmundje shoqëruese kronike: kardiake dhe sëmundje kronike mushkërore (SPOK).
Rasti në fjalë është kontakt nga djali i tij dhe vajza e tij pozitive.
Të gjitha kontaktet e rekomanduara për vetëizolim”, shkruhet në njoftim.
Keni një histori? Denonco anonimisht, identiteti juaj mbrohet.
Denonco
