Shkarkohet përgjithmonë nga drejtësia gjyqtari Kastriot Gramshi, nuk justifikon pasurinë

Kastriot Gramshi

TIRANË– Gjyqtari i Gjykatës së Tiranës Kastriot Gramshi duhet të shkarkohet nga detyra sipas sugjerimit të Operacionit Ndërkombëtar i Monitorimit (ONM). ONM i ka rekomanduar Komisionerëve Publikë (IKP) ankimin e vendimit të dhënë nga shkalla e parë e vetingut. Sipas ONM-së, vendimi i KPK-së që konfirmon në detyrë Kastriot Gramshin ka mangësi të rënda logjike dhe faktike në pjesën e arsyetimit. Operacioni ndërkombëtar i Monitorimit e cilëson rivlerësimin e pasurisë së gjyqtarit të Tiranës një proces të pasaktë si dhe kërkon që vendimi i KPK-së të ankimohet nga Komisioneri Publik dhe gjyqtari  të shkarkohet nga detyra.

ONM

“ONM beson se një konsiderim i duhur i komponentit të aktivit në tërësinë e tij duhet të rezultojë në shkarkimin e të rivlerësuarit pasi ai nuk arrin një nivel të besueshëm të vlerësimit të pasurisë. ONM gjithashtu beson se besimi i publikut mund të ndikohet nga një vlerësim i përgjithshëm i mangësive të theksuara. Duke pasur parasysh sa më sipër, ONM rekomandon apelim kundër Vendimit të KPK për këtë rast,”- thuhet në konkluzionet e ONM-së.

ONM

Kastriot Gramshi u konfirmua në detyrë nga Komisioni i Pavarur i Kualifikimit më 25 Mars të këtij viti. Vendimi u dha nga trupa gjykuese trupa e përbërë nga Suela Zhegu, Brunilda Bekteshi dhe Firdes Shuli.