Shkon në mbi 16 milion numri i personave të infektuar në botë. Europa nën frikën e një vale të dytë

Numri i personave të infektuar me koronavirus po rritet me shpejtësi në të gjithë botën, ku çdo ditë raportohet për gjithnjë e më shumë persona të sëmurë me COVID-19.

Sipas Universitetit Johns Hopkins, deri më tani në botë janë regjistruar 16.046.986 persona të infektuar, ndërsa numri i viktimave ka shkuar në 644,528.

SHBA kryesojnë listën e vendeve me më infeksione, ku 4,178,021 persona kanë kontaktuar COVID-19, ndërsa ndiqet nga Brazili me mbi dy milion raste dhe më pas India me mbi 1 milion.

Europa ndodhet nën frikën e një vale të dytë, pasi ka shënuar rritjen më të madhe të rasteve të reja në krahasim me pjesën tjetër të globit, me shifra rekord infeksionesh ditore prej rreth 280.000 që u regjistruan në dy ditët e fundit.