Shkonin në Elbasan për të ruajtur qeverinë, aksidentohet makina e Gardës së Republikës

Një automjet i Gardës së Republikës është përfshirë në një aksident automobilistik në aksin Tiranë- Elbasan, në vendin e quajtur kthesa e Sallakut.

Fugoni me të cilin udhëtonin efektivë të Gardës u përplas me një makinë tjetër tip Mercedes-Benz.

Gardistët po udhëtonin drejt Elbasanit për të marrë masa, pasi qeveria do të udhëtojë drejt Elbasanit më 14 Mars për Ditën e Verës.

Drejtuesi i automjetit të dytë është shoqëruar nga uniformat blu për t’u marrë në pyetje.

Ndërsa përveç dëmeve materiale nuk ka patur të lënduar në njerëz.