Shpërthimi in tritolit në Lezhë/ Policia zbardh detajet

Një shpërthim ka ndodhur në një banesë në Lezhë, ku si pasojë janë shënuar vetëm dëme materiale.

Policia njofton se lënda plasëse ka shpërthyer në banesën e P.P., 57-vjeç, në fshatin Ungrej dhe po ushtrohen kontrolle për gjetjen e arrestimin e autorëve.

“Rreth orës 02:00, në fshatin Ungrej, në verandën e banesës së shtetasit P. P. 57 vjeç, ka shpërthyer lëndë plasëse, duke shkaktuar vetëm dëme materiale. Shërbimet e Policisë po ushtrojnë kontrolle në terren dhe në ambiente të dyshuara, për gjetjen dhe arrestimin e autorit/ve.

Grupi hetimor nën drejtimin e Prokurorisë vazhdon veprimet hetimore për zbardhjen e rrethanave të ngjarjes, identifikimin dhe kapjen e autorit/re”, thuhet në njoftimin e policisë.