Shqipëria e pëshrirë e Edi Ramës

Eshtë e pështirë mënyra se si Shqipëria e padrejtë e Edi Ramës shfaqet përdhunshëm cdo ditë, cdo orë, minutë e madje cdo sekondë.

Dje prokuroria kërkoi një vit burg për 8 burra te pafajshëm nga Kukësi. Krimi që ata kanë bërë ishte sepse tentuan të hiqnin zgjedhën që qeveria u vuri në qafë, atyre dhe gjithë shqiptarëve, traun e rrugës Durrës-Kukës.

Po dje, ish deputeti demokrat Agron Shehaj publikoi bilancin e artë të koncesionit. 10 milionë euro fitime që në vitin e parë. Dhe historia do vazhdojë per 35 vjet me radhë.

Sot Policia rrethoi Teatrin Kombetar. Këtë herë armiqtë e shtetit janë artistët dhe qytetarët e lirë. Ata te cilet në mënyrë heroike po mbrojnë historinë e qytetit, por mbi të gjitha pasurinë publike nga babëzia e oligarkëve.

Kjo është Shqipëria sot. Cifligu privat i një grushti bejlerësh, të cilet e vjedhin dhunshëm cdo ditë. Njësoj si Hernan Cortes dhe gjithë kolonizatorët e tjerë famëkeq vodhën popujt e Amerikës Latine shekuj më parë. Me të njëjtin model. Privatizim i dhunshëm fitimesh dhe shperndarje e kostove mbi kurrizin e popullit.

Vetëm këtë javë, kater kontrata te cmendura grabiten 500 milionë euro nga a ardhmja e shqiptareve. Milot-Balldrene, Orikum-Dukat, nje koncesion kriminal per pompat e karburanteve dhe nje tjeter qe po behet gati per kolaudimin. Te gjitha do te paguhen deri ne qindarken e fundit nga shqiptaret.

Ata që sot janë në moshë do të paguajnë deri në diten e fundit të jetës. Kur të ikin nga kjo botë, borxhin do ja u lënë pas fëmijëve. Të rinjtë do të paguajnë, derisa të dalin në pension, e ndoshta edhe më tej. Ata që sapo kanë lindur dhe që nuk kuptojnë ende asgjë, as ata nuk do të shpetojne dot.

Fatura e haracit vetem rëndohet. Kjo është Shqiperia Europiane, që qeveria po ndërton cdo ditë me kartelin e saj të “bamirësve”.