Shqipja e re!

Denis Dyrnjaja

Një nga lajmet më të vlefshme e shumë të rëndësishme të vVtit 2024, por besoj edhe të këtyre 34 viteve demokraci, është botimi i fjalorit të ri të gjuhës shqipe. Ai do të ketë 120 mijë fjalë dhe pasurohet edhe me fjalë të reja të dialekteve bazë të shqipes. Kjo e bën edhe më dinamike dhe e diversifikon shqipen si gjuhë. Keqardhje që kjo ngjarje me përmasa dhe e një rëndësie historike për një komb, kalon në heshtje, pa diskutime, opinione apo debate publike masive, pasi vëmendjen e marrin banalitetet e fast food-it mediatik me çështje totalisht të pavlera për shoqërinë.

Telenovelat e divorceve, tradhëtive me dashnore e dashnorë si dhe filmat aksion të krimit të organizuar të servirur pa ndalim kanë kangrenizuar hapësirat mediatike sa një akt historik si përditësimi i fjalorit të gjuhës amëtare kalon sikur të mos ketë ndodhur!

Dekadencë kulturore!