Naim Noka / Sinqeriteti i ambasadorit amerikan Donald Lu tani që po ikën

Përditësuar më 4 Tetor 2017, 17:46

Ambasadori SHBA Lu  e nisi  me gjimazistet në Rreshen duke u kujtuar të rinjëve se duhet të merrni fatin tuaj në dorë…

Sot ai mbajti nje fjalim   në sallën ku  mësoi gjyqtarja Firdes   me urdhër mbrojtje nga gjykata që nuk e mbrojti dot. Ndoshta pas kaq kohësh zoti Lu ka kuptuar se qenka kaq e vështirë të punosh pa u përlyer në këtë fshatin gjigand të Rigertës me emrin Shqipëri.

Foli shqip dhe anglisht , herë me diplomaci e herë troc por… fshati që duket  nuk ndryshoi aspak. Ambasadori  Lu në fund të mandatit ka menduar të paktën për një moment ky fshat që kutërbon e qelbet nga plehrat dhe betoni nga Butrinti e deri në zemër të Tiranës nuk ka shpëtim prandaj ca gjëra duhen thënë thjeshtë dhe pa medyshje. Ai nuk u flet politikanëve sepse është bërë i mërzitshëm në këto vite duke perseritur vazhdimisht te njejtat citate.

Ai po u thotë shpresëhumburve, atyre që duan emrin, familjen, detin , Butrintin, fshatin e Prosekut, Saukun e Vllahutin dhe të Zamir Manes, burgun e Shullazit dhe Kryeministrine e Ramës, ShQUPIn  zyrtar të Lulit dhe parlamentin e Gramozit, Betonin e Tiranës  së  Erion Velisë, atdheun e rinisë që shullehet  kafeneve dhe masturbohet në rrjetet sociale. 

Ai po flet për veshin e atyre që kanë : 20 familje dhe kater klane kryesore drejtojnë  900 mije familje. Ai po na thotë shqip e pastër: ekonomia rakitike  mezi mbulon nevojat e ketyre 20 familjeve grosiste. Ai po na thotë se edhe në darkë “kazanet “mediatike të Sandrit , Vjollcës , Dulakut, Bolinos  ju  kanë shplarë trurin me gjellë telenovelash turke ose debate  që i kontrollon Oligarkia.

Ai po na thote : Shikoni reklamat ne televizionet e tyre dhe blini ushqimet më të pakontrolluara ne Europë. Thithni ajrin më të ndotur në rajon. Pini ujin e ambalazhuar  me analiza skandaloze dhe argëtohuni me  “pronaren 300 dhive”. Ai po na thotë se në këtë “ fshat “ të vetmen gjë që po ju lë mall të lirë është kanabisi dhe qe keni shumë stok nga viti 2016 . Ai po thot‎ë shqip: si duhet përmbysur kjo kastë dhe si të shpëtojmë nga katastrofa e sigurtë që na pret.

Ai po na thote se varfëria pjell krim, droge, korrupsion, prostitucion,gjobëvënie, hajdutëri dhe ky zinxhir nuk mbaron kurrë derisa politikanet jane ortake dhe suporti i krimit. Ambasadori ka vendosur të paktën të jetë i qetë shpirtërsht pasi për katër vite ka parë dhe prekur realitetin e një vendi kaq te vogel me gjysmën e popullsisë të emigruar dhe një grusht horrash të pangopur që vegjetojnë ne këtë fshat të varfër kontrastesh të mëdha,  me shpresë  se një ditë të rinjtë e rrjeteve sociale të dalin  nga “realiteti” absurd i fshatit të 1001 gënjeshtrave me emrin Shqipëri.

Ambasadori të paktën edhe pse vonë lutet me veten sepse i dhimbset ky vend i bukur me 3 milione banorë  qe janë katandisur në këtë gjendje pa shpresë . Ai e ka hequr kostumin e ambasadorit dhe po flet si  amerikan që i vjen keq për fatin e trishtë  të këtij fshati absurd…  Prandaj edhe për këtë shërbim edhe pse vone ne duhet t’i themi faleminderit  Donald Lu sepse po flet me emra.