Skandal, ilaçe të skaduara në burgje, KLSH kërkon shkarkimin e Agim Ismailit

Hije skandali me burgjet shqiptare, ku Drejtoria e Përgjithshme e Burgjeve ka kryer tendera abuziv për furnizimin me ushqime dhe barna të skaduara që më pas do t’u shpërndaheshin të burgosurve. Konstatimi është bërë nga Kontrolli i Lartë i Shtetit që për këtë ka kërkuar shkarkimin e të gjithë kupolës drejtuese të burgjeve, përfshirë

Drejtorin e Përgjithshëm Agim Ismaili. Në dy tenderat me vlerë mbi 4 milionë lekë të reja, sipas KLSH ka pasur shkelje të ligjit dhe për këtë arsye, i kërkohet prokurorisë hetimi i çështjes ndërsa Ministrisë së Drejtësisë, shkarkimi i 4 zyrtarëve.

KLSH:

“I rekomandojmë Ministrit të Drejtësisë si institucion epror, referuar shkeljeve të konstatuara në fushën e prokurorimeve publike dhe menaxhimit financiar si dhe përgjegjësive individuale të evidentuara dhe pasqyruar në aktkonstatimet përkatëse dhe pjesës së raportit Përfundimtar të Auditimit, të vlerësojë shkeljet e konstatuara dhe të vendosë marrjen e masave disiplinore largim nga puna për:

z.Agim Ismali, Drejtor i Përgjithshëm i Burgjeve

zj.Avidiana Pali, Drejtor i Financës

3.z.Ardit Tabaku Drejtor Juridik

4.z.Arjan Koçiaj në cilësinë e anëtarit të KVO

KLSH ka gjetur shkelje gjatë një auditimi bërë në burgjet shqiptare, konkretisht në tenderin e ushqimeve dhe ilaçeve të skaduara, konkretisht me vlera 2.3 dhe 1.8 milionë lekësh, por deri më tani Prokuroria vazhdon të heshtë, pavarësisht se kanë kaluar 20 ditë nga dorëzimi i raportit KLSH i kërkon Ministrisë së Drejtësisë që të ngrejë një grup pune për të analizuar shkaqet dhe mangësitë që kanë çuar në këto problematika të këtyre tenderëve, si dhe marrjen e masave të personave përgjegjës.