SONILA Bejtja, gjygjtarja e vetme në KUSHTETUESE që votoi kundra marrëveshjes Rama-Alabar

Përditësuar më 12 July 2023, 23:27

Zbardhet sot VENDIMI/Kushtetuesja miraton Marrëveshjen Rama-Alabar

https://www.gjk.gov.al/web/Lista_e_Vendimeve_92_1.php

Sot Gjykata Kushtetuese ka zbardhur vendimin që rrëzoi padinë e deputetëve të opozitës për shpalljen anti-kushtetues të Marrëveshjes për Marinën e Jahteve në Durrës

Shumica e gjyqtarëve të zgjedhur nga reforma në drejtësi, nuk kishin TAGRIN dhe i janë shmangur thelbit të padisë së opozitës
Tetë gjyqtarët e KUSHTETUESES që mbajnë në këmbë themelin e shtetit dhe presupozohet të mbajë balancën e padrejtësive dhe kontratave abuzive dhe të dyshimta siç ishte ligji ratifikues i Marrëveshjes Ndërkombëtare, sot i dhanë dritën jeshile Ramës që të shkatërrojë Portin Tregtar të Durrësit

Nga sot TETË gjyqtarët e KUSHTETUESES vulosën me vendim që Porti i Durrësit të kthehet në kompleks rezidencial betoni

Gjykata Kushtetuese rrëzoi padinë e deputetëve të opozitës për shpalljen anti-kushtetues të Marrëveshjes për Marinën e Jahteve në Durrës, pa i hyrë aspak themelit të çështjes.

Tetë nga nëntë gjyqtarët kanë vlerësuar se nuk kanë tagër për të shqyrtuar ligjin ratifikues të Marrëveshjes Ndërkombëtare, e cila i hapi rrugë shkatërrimit të Portit Tregtar të Durrësit dhe ndërtimit aty të një kompleksi gjigand kullash e godinash betoni.

Vendimi i Gjykatës Kushtetuese në favor të marrëveshjes personale të Edi Ramës me një kompani off-shore, të përfaqësuar nga biznesmeni saudit Mohamed el Alabar, është marrë në 14 qershor të këtij viti dhe u shpall ditën e sotme.

Gjashtë gjyqtarë, Holta Zaçja, Gent Ibrahimi, Elsa Toska, Sandër Beci, Marjana Semini dhe Ilir Toska, janë shprehur kategorikisht kundër kërkesës së deputetëve opozitarë për shpalljen antikushtetuese të marrëveshjes Rama-Alabar.

Dy gjyqtare, Marsida Xhaferllari dhe Fiona Papajorgji, janë shprehur gjithashtu kundër kërkesës së opozitës, por kanë pasur një argumentin ndryshe nga pjesa tjetër.

E vetmja gjyqtare që ka dalë kundër marrëveshjes Rama-Alabar dhe që ishte pro shpalljes anti-kushtetuese të saj ishte gjyqtarja Sonila Bejtja.

Në mendimin e pakicës, Bejtja mban qëndrim se Gjykata Kushtetuese ka tagrin për të shqyrtuar ligjin që ka ratifikuar Marrëveshjen Ndërkombëtare, pasi ajo tashmë ka hyrë në rendin kushtetues shqiptar.

Por, shumica e Gjykatës Kushtetuese ka refuzuar sërish që të përballet me vendimmarrjen kontraverse të Edi Ramës, duke u fokusuar tek teknikalitete, të cilat i shmangen thelbit të problemit.

Kujtojmë që gjyqtare S.B del ne qasje te ndryshme/te kundert nga shumica – edhe në çeshtjen e zgjedhjeve lokale ku kjo gjyqtare ishte e vetmja qe pranoi juridiksionin e gjykates kushtetuese mbi procesin e zgjedhjevr lokale te vitit 2019.
Apo çeshtjen e mandatit te Olta Xhaçkes ku ajo arsyetonte se 1/5 e deputeteve legjitimohej te kerkonte heqjen e mandatit të Xhaçkës ndryshe nga shumica që legjitimoi 1/10 apo si ata gjyqtarë që nuk e legjitimuan fare as 1/10 e as 1/5.
Apo rasti i ligjit per Akademine e Shkencave ku po kjo gjyqtare ishte e vetmja në pakicë.
E se fundmi Porti i Durresit ku po kjo gjyqtare sipas vendimit që lexuam sot është e vetmja qe pranon që asnjë akt publik qofshin keto marreveshje nderkombetare nuk mund të kalojnë pa u kontrolluar nga Gjykata Kushtetuese.