SPAK po heton në 65 tendera, ja ku po fokusohen hetimet

Një nga shkeljet më të shpeshta që kryhet nga zyrtarë të institucioneve qendrorë dhe lokal, ku këtyre të fundit i sjellin edhe përfitime monetare janë abuzimet me tenderat.

Por, gjatë muajve të fundit, duket se Struktura antikorrupsion ka piketuar pikërisht tenderat abuziv që përfitohen duke shkelur procedurën me qëllim goditjen e korrupsionit.

Mediat kanë mesuar se se SPAK ka në dorë rreth 65 tendera, ku janë duke u kryer hetime për menyrën se si janë fituar. Burime nga institucioni i akuzës i thanë Fax neës, se gjatë hetimeve në këto tendera janë konstatuar shkelje në fushën e prokurimeve publike, si përgatitja e dokumentacioni hartimi i specifikimeve teknike, përzgjedhja e procedurës, vlera e kontratës ali edhe shqyrtimi i ofertave në garë.

Ndërkohë jo zyrtarisht media ka mësuar se numri i dosjeve me abuzimet me tendera mund të rritet, pasi përvecc atyre që janë regjistruar penalisht, ky institucion ka në dorë edhe dhjetra kallëzime të tjera nga ana e kompanive humbëse, të cilat kanë denoncuar pasi sipas tyre nuk ka pasur barazi në zhvillimin e procedures tenderuese.

Pra numri i zyrtarëve të lartë për shkelje në tendera, përveç Tushes, Gëllçit, Naqellarit, mund të rritet edhe më shumë. Përsa i përket tenderave që SPAK ka nën hetim ato janë të shumta pothujse në të gjithë vendit, duke filluar nga Tirana e deri më Ersekë.

Burime nga Prokuroria e Posaçme bëjnë me dije se dosje tenderimi janë sekuestruar në Ministrinë e Shëndetësisë, në Drejtorinë e Përgjithshme të Burgjeve, në bashkinë e Fierit janë nën lupën e SPAK, disa tenderara, ku në këtë bashki hetimet nisen pas denoncimit të deputetit Petro Koçi, se në këtë qytet tenderat fitoheshin nga krimi i organizuar.

Por pas nuk mbetet as bashkia e Kolonjës, ku sipas informacioneve edhe atje janë duke u hetuar disa prokurime publike që dyshohet se ka pasur shkelje. Gjithashtu mësohet se në lupën e SPAK, janë vënë edhe disa dosje tenderesue të bashkisë së Tiranës.

Një tjetër tënder nën hetim sipas informacioneve ka të bëjë me blerjet e mishit për institucionin e Qarkut Tiranë me vlerë totale 35 milion lekë, e ndarë në dy lote. Gjithashu SPAK është duke hetuar edhe tenderin për shërbimin e lavanterisë në QSUT me vlerë 9.2 milion euro.

SPAK është vënë në lëvizje për hetimin e këtyre tenderave pas kallëzimeve që ka marrë nga kompanitë humbëse. Por, nuk ka munguar rastet kur hetimet kanë nisur pasi Kontrolli i Lartë i Shtetit ka konstatuar shkelje.