Strakosha ‘fluturon’ me Lazion

Lazio arriti të kthehej të fitorja këtë javë në Serie A. Kryeqytetasit arritën të merrnin një trepikësh plot vlera në një fushë të vështirë si ajo e Sampdorias.

Një takim plot emocione ku ishin dorianët ata që kaluan në avantazh me anë të Zapatas dhe ia bënë akoma më të vështirë lacialëve.

Por reagimi do vinte me golat e Milinkovic-Savic dhe Caicedo. Një sukses i merituar ai i ekipit të Inzaghit ku një protagonist absolut ishte edhe Thomas Strakosha me super pritjet e tij që lanë deri në fund në lojë “shqiponjat”.

Me këtë fitore Lazio ngjitet në vendin e pestë në kuotën e 32 pikëve.