Stuhia “Ciaran” po përparon me shpejtësi në rajone të ndryshme duke shkaktuar dëme të mëdha në Evropë. Ekspertët e “pagëzojnë” fenomenin si “bombë meteorologjike”, teksa ka shënuar të vdekur dhe të plagosur.

Gjashtë persona kanë ndërruar jetë nga rrëzimi i pemëve, ndërsa janë mbyllur shkolla dhe anuluar fluturime. Në disa zona të Italisë, Britanisë, Francës dhe Holandës, erërat po fryjnë rreth 200 km, shirat e dendur kanë kthyer disa rrugë në lumenj duke shkaktuar probleme serioze.

Sipas policisë kanë humbur jetën një shofer kamioni në automjetin e tij në rajonin Aisne të Francës, një burrë në qytetin holandez Venray, një grua në qendër të Madridit, një person në Gjermani dhe dy persona të tjerë në Belgjikë.