Përditësuar më 17 August 2018, 16:35

Propozim.

Drejtuar autoriteteve të shtetit shqiptar.
Të nderuar pushtetarë. Ju që nuk latë spiun vendas e të huaj pa nderuar, keni rastin të tregoni se ndonjeherë kujdeseni dhe për ne. Nderojeni gjestin heroik të Admir Murataj. Ai shpëtoi nga mbytja dy vajza të vogla. Ndoshta ju nuk e kuptoni këtë, prandaj le ta shohim këtë gjest shpëtimi si të munguar. Një nënë do mbyste dy vajzat e saj në lumë.

Gjithe zemrat e shqiptarëve do plasnin nga marazi. Kjo tragjedi i kalon përmasat shekspiriane. Por fatmirësisht, kjo nuk ndodhi. Dhe autori i mrekullisë është mes nesh. Ai nuk kërkon asgjë nga ju. Pra, ju duhet të cmoni gjestin dhe edukaten e tij në tte njëjtën kohë. Jetojme në një epokë ku gjeja më e lehtë per tu cënuar është jeta. Njerezit tanë po vdesin si të ishin miza.

Le të festojmë jetën kesaj here dhe mbrojtësin e saj. Bëjeni qytetar nderi, jepini medalje kombëtare, shoqatat dhe firmat le ta punesojnë të papunin hero. Shkruani per të, bëni poezi per të, këndoni për të. Sepse vetëm kështu kremtohet bukuria e një gjesti të thjeshtë.
P.S. do ta kisha shkruar shumë me seriozisht ketë thirrje, por e di që ju nuk pyesni për mendimet dhe ndjenjat tona.

E keni berë gjithmonë këtë. Juve ju emocionojne vetëm lakejtë tuaj, puthadorët dhe shantazhistët.
P.P.S. kete thirrje ne fakt e kam per njerezit, per ata që presin ndonjë mrekulli, dhe harrojnë qe mrekullia më e madhe e kësaj bote është solidariteti. Shperndajeni, mos u dembelosni. Tregoni mirenjohje dhe falenderim.