Tabloidi britanik, “Daily Mail”:12 mijë paund, për të siguruar fëmijët në Britani.

Tabloidi britanik, “Daily Mail” i ka kushtuar një artikull Krumës, kryeqendrës së Hasit, në veriun e Shqipërisë. “Daily Mail” shkruan për emigrimin ilegal dhe rrugën që zgjedhin këta të rinj për të shkuar drejt Londrës.

Gazeta britanike, shkruan se vendasit në fshatin shqiptar e mendojnë veten e tyre si pjesë e një nga lagjeve të Londrës. Gjithashtu shkruan se pothuajse çdo familje në këtë zonë, ka të paktën një anëtar në Britani.

Sipas “Daily Mail”, djemtë adoleshentë merren nga prindërit e tyre ose nga të afërmit e tyre të ngushtë përmes zonës Shengen dhe janë lënë në porte në Francë, Belgjikë ose Hollandë. Nga atje ata janë rregulluar me kontrabandistët e njerëzve që i marrin ato në Britani të Madhe, ku atyre u ofrohet kujdes social, zakonisht me një familje kujdestare dhe shkollim.

Në shkrimin e publikuar në Daily Mail, zona e Krumës paraqitet si një zonë pa të ardhme për rininë dhe ajo çfarë iu mbetet atyre është emigrimi në vendet e europës, kryesisht në Britani, ku paguajnë shuma të mëdha, deri në 12 mijë paund, të cilat financohen nga vetë prindërit me shpresën për të iu dhënë një të ardhme të sigurtë fëmijëve të tyre.

“Kruma një fshat në veri të Shqipërisë, ku banorët folën për dërgimin e fëmijëve të tyre për një jetë më të mirë, sepse aty nuk kishte asnjë të ardhme për ta“, shkruhet në artikull.

Gjithashtu tabolid ka postuar disa foto për të cilat shkruan:
“Kjo foto duket se tregon një burrë në një furgon me mbishkrimin, ‘Zot i bindur, unë do të jem në Angli nga Viti i Ri“‘.

“Një tjetër foto tregon një rresht të rinjsh që shtrihen në pjesën e prapme të një kamioni, që duket se është pajisur me tuba frymëmarrjeje për t’i dhënë ajër të pastër“, vijon tabloid me shkrimin e tij.

Gjithashtu në artikull shkruhet se Shqiptarët vitin e kaluar përbënin numrin e dytë më të madh të fëmijëve të pashoqëruar që kërkonin azil në Britani, me më shumë aplikantë sesa nga Siria e shkatërruar nga lufta.

“Shumë prej tyre inkurajohen që të udhëtojnë këtu nga prindërit e tyre, të cilët i investojnë paratë për të dërguar fëmijët e tyre në Britani. Shumica e të miturve të pashoqëruar janë emigrantë ekonomik, disa prej të cilëve pretendojnë se janë rrahur nga prindërit e tyre ose thonë se janë viktima të gjakmarrjes për të rritur pretendimet e tyre për azil. Por, kur pretendimet e tyre refuzohen, shumë prej tyre shkëputen nga kujdesi i financuar nga shteti dhe janë të detyruar të punojnë për “bandat kriminale” për të paguar borxhet e mëdha që marrin për të ardhur në Britani, borxhe që kapin vlerat deri në £ 12,000 për udhëtim”, thanë zyrtarët.

Shqipëria nuk është në BE, por për shkak se po aplikohet për t’u bërë anëtare, qytetarët e saj janë të lirë të udhëtojnë përmes zonës Schengen pa kufij.