Tarifat e Trump ndaj Kinës, përjashtohen smartphone-t dhe kompjuterët

Administrata e Presidentit Donald Trump ka shpallur përjashtimin e smartphone-ve dhe kompjuterëve nga tarifat e reja që do të aplikohen për mallrat kineze.

Ky vendim vjen në një kohë kur shqetësimet për rritjen e çmimeve për pajisjet elektronike janë shtuar, për shkak të prodhimit të tyre masiv në Kinë.

Doganat dhe Patrulla Kufitare e SHBA njoftuan ditën e djeshme se smartfonët dhe kompjuterët, si dhe një numër pajisjesh dhe përbërësish elektronikë, do të përjashtohen nga tarifa globale prej 10% që administrata Trump kishte planifikuar të vendoste për shumicën e mallrave të importuara. Po ashtu, tarifa 125% për mallrat kineze do të eliminohet për këto produkte.

Ky vendim erdhi pas presioneve nga kompanitë e teknologjisë amerikane, të cilat kishin paralajmëruar se tarifat e larta mund të çonin në rritje të çmimeve për produktet e tyre dhe do të kishin një ndikim të drejtpërdrejtë tek konsumatorët.