Të shtëna me armë në mesnatë te “Ali Demi”

Forca të shumta policie janë angazhuar gjatë orëve të vona të natës në zonën e “Ali Demit” në Tiranë, pas një incidenti të raportuar me të shtëna armësh.

Sipas të dhënave paraprake, në zonë dyshohet se janë dëgjuar të shtëna në ajër, çka ka bërë që policia të ndërhyjë dhe të kryejë kontrolle në një lokal.

Rrethanat e sakta të ngjarjes ende nuk janë të qarta, ndërsa shërbimet e policisë kanë vijuar verifikimet për të zbardhur se çfarë ka ndodhur dhe kush mund të jetë përfshirë.

Deri në këtë fazë nuk raportohet për persona të plagosur apo të arrestuar. Pritet që në vijim të dalin më shumë detaje mbi incidentin dhe rezultatet e kontrolleve të kryera nga policia.