Te vdekurit nuk ngjallen sot/Bledi Mane

Mos u mprehni kot, asnje i vdekur nuk do levize prej varrit. Jane te lodhur e te drobitur, jane te dermuar e te masakruar dhe nuk kane nerva te na argetojne ne te gjalleve. Jane ngjallur historikisht cdo 31 tetor dhe kane ardhur verdalle neper fshatrat, rruget, qytetet tona e kane festuar me ne te mbitokës.

Kane kercyer e kane brohoritur, kane kenduar e na kane gezuar e me pas jane tretur me erresiren e nates. Sot nuk ka per ne te gjallet, argetim prej te vdekurve‎. Te vdekurit po protestojne, te vdekurit na shohin ne te gjalleve si rivalë…
Ne, nuk kemi nevojë per nje dite Halloween-i‎ sepse ketu cdo dite ne mbulojme fytyren, shpirtin,logjiken me maskat e urrejtjes dhe hakmarrjes. Ne ia vrasim njeri-tjetrit gezimin, buzeqeshjen, ligjin, institucionet, standardet, humanizmin.

Ne jemi konvertuar ne materialiste dhe makutër me 5 yje dhe pime gjakun, vjedhim oksigjenin, presim pyjet, masturbojme me dhembjen, ndotim detet, shkaterrojme malin, prangosim lirine, krisim femijerite, drogojme venat, ngasim makinat si te cmendur, sfidojme jeten.
Te vdekurit nuk ngjallen sot. Harrojeni, ata na shohin si konkurente. Nuk do cohen prej varreve e te vijne verdalle neper Shqiperi. Ne kemi te vdekurit tane te gjalle qe trembin cdo kënd. Nuk ngjallen ‎te vdekurit vetem per nje dite kur nderkohe 364 dite ne hasim e takojme kufomat e paaftesise, krimit dhe korrupsionit ne prokurori, gjykata, universitete, spitale, institucione.
Pse kerkoni kot te drobisni te vdekurit e Zotit‎ kur kemi kufomat tona te gjalla qe na e marrin ymrin cdo dite. Dhe jane te gjalle qe pa frike e pa maska kercejne e lodrojne cdo minute ne zyrat tona, ne televizionet tona, ne pjatat tona, ne banjat tona, ne rruget tona, ne jetet tona.

Mos kerkoni kot te ngjallen te vdekurit, ne e kemi Halloween cdo dite, cdo stine, cdo vit. Te vdekurit jane naive por jo te cmendur. Ne kemi “te vdekurit” tane te gjalle, ne kemi Adriatik Llallen, ne kemi Visho Ajazin, kemi Gjin Gjonin, kemi Lul Bashen, Shkelzen Berishen, Ilir Meten, Fatmir Mediun, Petrit Vasilin,kemi arrogancen qeverisese, opoziten‎ e pakallur, mediumet e riblera, shoqerine civile te korruptuar. Ne s’kemi uje ne çezmat tona por kemi droge ne xhepat tane.Ne s’kemi akademi shkencash por kemi 1.8 milione diploma universitare.Ne kemi çdo gjë që kjo jetë të vdesë pa lindur ende, ne jemi parajsa e ferrit!/Pamfleti.com