Tiranë/ Hidhet nga i kati i pestë i pallatit, humb jetën një person

Një ngjarje e rëndë është regjistruar mbrëmjen e sotme rreth orës 19:55, te Ish-Parku, në Tiranë.

Burimet nga policia  bëjnë me dije se ka rënë nga kati i pestë i pallatit, shtetasi me iniciale P. K., 80 vjeç, i cili si pasojë ka ndërruar jetë.

Nga informacionet paraprake, ende nuk dihen rrethanat e kësaj ngjarjeje tragjike.

Ndërkaq, grupi hetimor ndodhet në vendngjarje dhe po punon për sqarimin e rrethanave të ngjarjes

Njoftimi

Më datë 22.01.2023, rreth orës 19:55, te Ish-Parku, ka rënë nga kati i pestë i pallatit, shtetasi P. K., 80 vjeç, i cili si pasojë ka ndërruar jetë. Grupi hetimor ndodhet në vendngjarje dhe po punon për sqarimin e rrethanave të ngjarjes.