Tragjedi në Mesdhe, dhjetëra emigrantë të vdekur dhe të zhdukur

Tragjedi e dyfishtë në Mesdhe. Rreth pesëdhjetë persona rezultojnë të zhdukur për shkak të përmbysjes së një varke me vela me të cilën po udhëtonin, rreth njëqind milje nga bregu i Kalabrisë.

Një anije tregtare mbërriti në vendngjarje për të shpëtuar emigrantët në varkën që u përmbys në brigjet e Kalabrisë, duke shpëtuar 12 prej tyre, përfshirë një grua shtatzënë.

Ndërkohë rreth 50 të tjerë rezultojnë të zhdukur, ndërsa është gjetur trupi i një gruaje që ka humbur jetën pasi ka rënë në det. Refugjatët që udhëtonin në bordin e varkës ishin larguar nga një port në Türkiye.

Dhjetë të vdekur në Lampedusa

Në varkën në brigjet e Lampedusa, 10 personat që humbën jetën ishin në kuvertën e poshtme, e cila ishte plotësisht e përmbytur. Motori i varkes ishte i prishur. Raporti erdhi nga Alarm Phone. Në marrëveshje me autoritetet, anija u transportua në drejtim të Lampedusa. Ekuipazhi i OJQ-së evakuoi 51 të mbijetuarit, mes të cilëve dy ishin pa ndjenja.