Trajneri i Interit: Messi luan futboll në një nivel tjetër, është më i mirë
Barcelona e viziton “San Siron” të martën mbrëma, për t’u ndeshur me Interin në Ligën e Kampionëve, por para këtij takimi trajneri i zikaltërve, Luciano Spalletti, ka gjetur kohë ta lartësojë Lionel Messin.
Spalletti e ka lavdëruar edhe Barcelonën duke e quajtur ndër institucionet më të mëdha të sportit, para takimit që nis në orën 21:00 këtë të martë, transmeton Express.
“Fanella e Messit është ajo që e dëshiron çdo fëmijë që ëndërron të bëhet futbollist”, tha Spalletti të hënën në një konferencë për media.
“Ai luan futboll në një shpejtësi tjetër. Ai është më i miri”, shtoi ai.
“Kur flet për Barcelonën, flet për nivelin më të lartë të vështirësisë që ekziston. Barça është pikë referuese për trajnerët në çfarëdo sporti”, theksoi ai.
Keni një histori? Denonco anonimisht, identiteti juaj mbrohet.
Denonco
