Turqia: Nuk i pranojmë ngushëllimet e ambasadës amerikane, i refuzojmë

Ministri i Brendshëm turk, Süleyman Soylu ka dhënë një deklaratë pas shpërthimit në sheshin ‘Taksim’ në Stamboll.

“Nuk i pranojmë ngushëllimet e ambasadës amerikane, i refuzojmë,” tha ai.

“Nëse terroristja nuk do të kapej, do të ishte futur ilegalisht ne Greqi dhe do të ekzekutohej sot. Ne nuk jemi armik i askujt. Dua të them se ne nuk kemi forcë të durojmë tradhtinë. Operacionet vazhdojnë. Po të mos ishte kapur, sot do ta kishin futur ilegalisht në Greqi.

Më lejoni t’ju jap më shumë informacion. Në një përgjim teknik pas incidentit, udhëzimi i organizatës terroriste synonte qartë vrasjen e terroristes. Ekziston një udhëzim i qartë që ose ta hidhni nga lartësia ose në kanal. Dhe është e qartë se në këtë drejtim ishte shpallur një plan që do të na pengonte të kapnim terroristen dhe të zbërthenim të gjithë rrjetin… Ka 6 vite që nuk kemi parë një incident të tillë terrorist në Stamboll. Vetëm këtë vit kemi parandaluar 200 incidente terroriste.

Sigurisht që ne si komb këtu duhet të jemi të fortë në unitet, nuk duhet të dorëzohemi para tyre. Është shumë e qartë se 2 sulmet e fundit kanë ardhur nga Mersini, njëri prej tyre në Manbij dhe një nga Kobani”, tha ai.