U përfol si blerja e janarit për Realin, ja çfarë thotë presidenti për Palacion

Presidenti i River Plate, Rodolfo D’Onofrio ka hedhur poshtë raportimet e fundit të mediave spanjolle të cilat po përflasin një marrëveshje të mundshme me mesfushorin, Exequiel Palacios.

Kohët e fundit “Marca”, “Diario” dhe “AS” kanë shkruar se Perez kishte paguar klauzolën e lirimit të lojtarit me vlerë 20 milionë euro.

Prej ditësh këto media kanë shkruar se “Los Blancos” i kanë ofruar lojtarit një kontratë 5-vjeçare, por Rodolfo D’Onofrio thekson se ka pasur interesim por marrëveshja sipas tij nuk është arritur.

“Ai nuk është shitur por ka një interes nga Real Madridi në Palacios,” tha D’Onofrio për Amerikën TV.

Palacios bëri debutimin te River Plate në moshën 16-vjeçare, duke fituar dy kupa internacionale.

Exequiel Palacio ka bërë 45 paraqitje me ekipin e parë të  River Plates, ndërsa 18 prej tyre i ka bërë gjatë këtij sezoni.