Rezulton se Veliaj ka harxhuar plot 5.2 milionë euro vetëm për fasadë, zbukurime, dekore, flamuj dhe banderola.

Erion Veliaj është pa dyshim koka e “fasadave”. Gjithçka që ai bën, gjithçka që ai shpërndan, qofshin foto, video, artikuj, deklarata etj, i bën vetëm për fasadë, pasi realitetin e Tiranës po e shohin përditë të gjithë banorët e saj.

Rezulton se Veliaj ka harxhuar plot 5.2 milionë euro vetëm për fasadë, zbukurime, dekore, flamuj dhe banderola. Është e pabesueshme por e vërtetë. Këto shifra janë pagesa të bëra nga Thesari i Shtetit për një periudhë 4 vjeçare nga viti 2019 deri më sot.

Mjafton një vështrim i thjeshtë për të parë se këto para janë shpërndarë kryesisht për aktivitete të ndryshme ku dominojnë shërbimet e dekorit të Tiranës “qyteti europian i sporteve”. Më tej paratë janë shpenzuar për maratona, festa kombëtare e aktivitete të ngjashme. Për shembull vetëm për Samitin i Berlinit zhvilluar pak javë më parë, janë paguar mbi 220 mijë USD.