Video e Fevziut për çmimet dhe miqtë e qeverisë “armiqtë” e turizmit në jugun e Shqipërisë

Gazetari Blendi Fevziu,  i ka kërkuar shtetit të ndërhyjë dhe të vendosë tavan për çmimet e çadrave në plazhet e jugut.

Shumë ankohen për çmimet e larta në jug të Shqipërisë. Mund të justifikohesh se është çështje tregu, por roli i shtetit cili është? 

A e dini pse Jugu i Shqipërisë e kaplojnë çmimet e karta?

Çmimet në jug të Shqipërisë janë bërë një shqetësim i vazhdueshëm për turistët dhe vendasit. Ndërsa është e lehtë të justifikohen si një çështje tregu, roli i shtetit në këtë kaosin ekonomik mbetet i paqartë dhe shpesh i injoruar.

Gazetari i njohur Blendi Fevziu, një promovues i zjarrtë i turizmit shqiptar, ka kërkuar që shteti të vendosë një tavan për çmimet e çadrave në plazhet e jugut. Dhe, ai nuk është gabim. Por, në vend që të ndalemi vetëm tek sugjerimet, le të shqyrtojmë se si funksionon ky proces në të vërtetë.

Nëse marrim shembullin e plazhit të Palasës, ku dhe vetë Fevziu shijon pushimet, vihet re një praktikë shqetësuese. Investitori Samir Mane, përveç ndërtimit të vilave, zotëron de facto vijën bregdetare të Palasës, pasi qeveria e konsideron një “investitor strategjik”. Mane nuk bën investime në vetë plazhin, por ja jep me qira një pale të tretë, duke vepruar si një ndërmjetës që fiton para vetëm nga roli i tij në mes.

Fevziu ka të drejtë që kërkon ndërhyrje shtetërore, por ndërhyrja më efektive do të ishte eliminimi i këtyre ndërmjetësve si Mane dhe dhënia e plazheve atyre që realisht bëjnë investimin. E njëjta situatë ndodh dhe në plazhin e Drimadhës me Gjikurinë, dhe në shumë zona të tjera me biznesmenë si Dulaku, Papuli, dhe Carapuli, të gjithë klientë të kryeministrit që ndërtojnë vetëm për të shitur vila, jo për të zhvilluar turizmin.

Ulja e çmimeve nuk mund të arrihet duke sulmuar bizneset e vogla që përpiqen të mbijetojnë, por duke eliminuar hallkat e panevojshme në zinxhirin ekonomik, të cilat nuk ofrojnë asgjë por marrin pjesën më të madhe të fitimeve.

Ndërsa fajësimi i biznesve të vogla dhe stigmatizimi i vlonjatëve për çmimet e larta vazhdon, është e qartë se kjo nuk sjell asnjë zgjidhje reale. Me një thellim dhe këmbëngulje, shteti mund të ndërhyjë duke kontrolluar taksat e larta të bashkive, duke rritur kontrollet për pastrimin e parave, dhe duke mbështetur bizneset që duan të punojnë dhe të fitojnë në mënyrë të drejtë.

Duke etiketuar negativisht vendasit dhe duke postuar fatura të larta në blogje nuk po bëjmë asgjë tjetër përveçse po gjejmë një armik të ri pa ofruar zgjidhje të qëndrueshme. Në vend të kësaj, duhet të kërkojmë masa konkrete nga shteti për të rregulluar tregun dhe për të eliminuar ato hallka që vetëm rëndojnë mbi ekonominë e turizmit në jug të Shqipërisë.