VIDEO skandaloze/ Në mes të Tiranës pirgu me plehra

Përditësuar më 29 October 2023, 23:07

VIDEO Tiranë 29 tetor 2023🎥

29 Tetor 2023 kjo është pamja skandaloze që përsësitet e përsëritet  jo shumë larg por në mes të Tiranës. Turistët  që frekuentojnë zonën e ish-bllokut përballen  çdo dité me pirgun e plehrave. E diela e tretë  që dal nga shtëpia   dhe përballem me  situatën skandaloze  të pirgut të mbetjeve. Bashkia e Erion Veliajt e ka pushim  të shtunë dhe të dielë. Firmat e pastrimit që fitojnë miliona euro  nga tenderat me 99% të fondit limit duket se nuk mbajnë aspak përgjegjësi për mbetjet dhe pastrimin e Tiranës.

Prandaj Tirana noton në mbeturina. Vëzhgimi i bërë nga  ” PUBLIK” është fokusuar në  disa zona të Tiranës  si në zonën e Liqenit, Kompleksi Dinamo, Komuna e Parisit, Fresku, Vasil Shanto, Kopshti Botanik, Unaza e Re, Yzberisht, Ish – fusha e Aviacionit, Zogu i Zi, Don Bosko, ish stacioni i Trenit, Rruga e Barrikadave, 21 dhjetori, zona midis shkollës “Sami Frashëri”, rrugës “Hoxha Tahsim” , ish – Blloku, si dhe tregu elektrik.

Kosha me mbetje të mbushur plot gjatë paradites tek Kompleksi Dinamo.

Dhe pamja që ofrohet është thuajse e njëjtë: kosha mbeturinash të mbushura dingas gjatë të gjithë kohës. Pamje kjo krejt ndryshe nga premtimet e kreut të Bashkisë, Erion Veliaj, i cili sfidonte  edhe kryeqytetet evropiane kur deklaron se “ndryshe nga shumë kryeqytete të Europës, që mbetjet i mbledhin edhe njëherë në javë, Bashkia e Tiranës ka vendosur që të rrisë nga 3 herë në 5 herë në ditë mbledhjen e plehrave në çdo lagje të kryeqytetit”.

Por krejt ndryshe paraqitet situata nga vëzhgimi i realizuar në terren.  Thuajse në çdo cep të rrugës apo lagjes të zë syri kosha mbeturinash të mbushur plot e përplot, jo vetëm nga mbetjet që krijojnë familjet, por edhe sepse gjatë kësaj ore shtohet edhe mbetjet që kanë krijuar marketet dhe të gjitha pikat e shitjes.

Madje në disa zona mbetjet e krijuara gjatë këtyre orëve të lëvizjes nuk i mbajnë dot koshat,  pushtojnë edhe trotuaret.

Përgjithësisht janë mbetje ambalazhesh, përfshirë kuti kartoni apo edhe plastikë.

Përballë kësaj situate duket se është dorëzuar edhe Bashkia e Tiranës, e cila me sa duket kujdeset të pastrojë vetëm koshat që janë në rrugët kryesore. Në lagjet periferike koshat e mbeturinave vazhdojnë të jenë plot gjatë gjithë kohës.  12:00 deri në orën 14:00, dhe më pas u rikthyem sërish në të njëjtat rrugë në orën 18:00 deri në orën 19:30 për të parë nëse mbeturinat ishin pastruar. Ajo që konstatuam në fakt ishte se përgjatë këtij orari, një pjesë e kazanëve të mbeturinave nuk ishin pastruar, por ata ishin tejmbushur edhe më.