Video/ Tesla shpërthen para hotelit të Trump

https://youtu.be/pq9_zvpamUk?si=yk6Hvcqt8-VsG2MB

Një Tesla Cybertruck, e mbushur me bombola me lëndë djegëse dhe fishekzjarre, shpërtheu jashtë hotelit të presidentit Donald Trump në Las Vegas.

Për pasojë humbi jetën shoferi, si dhe u plagosën disa të tjerë.

BBC shkruan se kamioni u mor me qira në Kolorado dhe mbërriti në qytet të mërkurën në mëngjes, më pak se dy orë para shpërthimit.

I parkuar para hotelit, automjeti filloi të nxirrte tym dhe më pas shpërtheu.

Drejtori ekzekutiv i Tesla-s, Elon Musk, tha të mërkurën pasdite në rrjetin X se “e kemi konfirmuar tani se shpërthimi u shkaktua nga një sasi e madhe fishekzjarresh dhe/ose një bombë e vendosur në shtratin e kamionetës së marrë me qira dhe nuk ka lidhje me vetë makinën. E gjithë telemetria e automjetit ishte pozitive në momentin e shpërthimit”.

Zyrtarët e zbatimit të ligjit nuk e kanë përjashtuar terrorizmin si një motiv të mundshëm, tha një person i njohur me këtë çështje, i cili foli me kusht që të mos identifikohej meqë nuk ka autorizim diskutojë publikisht hollësitë e hetimeve.