Vidhet një shishe vodka ruse/ Nuk do ta besoni vlerën marramendëse të saj

Një vjedhje jo e zakonshme ka ndodhur në Danimarkë, ku një hajdut ka hyrë sot në një lokal duke vjedhur një shishe vodka, por që vlera e saj nuk ishte e zakonshme.

Shishja e vjedhur kushtonte plot 1.3 milionë dollarë, dhe ishte e krijuar nga tre kilogramë ari dhe tre të tjerë argjend.

Për këtë ngjarje, pronari ka bërë denoncimin në policinë daneze ndërsa thotë:

“Atë shishe e kam siguruar nga fabrika Dartz, e cila krijon veturat dhe vodkat më të shtrenjta. Ajo ka qenë pjesë e koleksionit tim për gjashtë muaj, mirëpo jo më”, -njofton Rel.

“Natyrisht jam shumë i shqetësuar. Ajo ka qenë kremi mbi tortë në koleksionin tim. Nga 1,200 shishet që posedoj, ajo ka qenë shumë e veçantë për mua”, ka thënë Ingberg.

Shishja e vjedhur ka marrë vëmendje të madhe jo vetëm nga vlera e saj marramendëse, por edhe sepse është publikuar në serinë televizive amerikane “House of Cards”.