Vijojnë bombardimet në Donetsk, zyrtari i rajonit: Tre nga viktimat u vranë duke pirë ujë

Të paktën nëntë civilë janë vrarë nga bombardimet ruse në rajonin Donetsk të Ukrainës lindore këtë mëngjes. Lajmin e ka konfirmuar guvernatori rajonal Pavlo Kyrylenko, ne Telegram, shkruan BBC.

Të paktën tre civilë ishin vrarë gjatë një bombardimi ajror të qytetit Avdiivka, shkroi Kyrylenko në aplikacionin e mesazheve Telegram.

Tre të tjerë u vranë duke pirë ujë në qytetin Vuhledar dhe tre u vranë në granatimet e qytetit të Lyman, shtoi ai.

Zonat e tjera të Donetskut ishin nën bombardime të vazhdueshme dhe autoritetet rajonale po përpiqeshin të evakuonin civilët nga zonat e vijës së parë, tha më herët zyra e presidentit ukrainas.

Lajmi vjen pasi SHBA paralajmëroi Rusinë për planet e saj të “aneksimit” zyrtarisht të rajoneve Donetsk dhe Luhansk në lindje të Ukrainës.