Vllaznisë një gol ndaj Teutës, Kukësi “tris” Laçit

Vllaznia u rikthye te fitorja në kampionat, teksa mposhti minimalist Teutën, në ndeshjen e vlefshme për javën e 33-të.

Një triumf shumë i rëndësishëm për shkodranët, që i ngjit në vendin e katërt me 46 pikë, 2 më shumë se ndjekësit e Laçit.

Kurbinasit u mposhtën në transfertë nga Kukësin, me rezultatin e pastër 3-0. 3 pikë me vlera për verilindorët, që i largohen vendit të tetë dhe ngjiten në vendin e shtatë, me 40 pikë të grumbulluara.