VLORË/ Ishte në kërkim për vjedhje, arrestohet i riu duke udhëtuar me “Porsche” luksoz të drejtuar nga një 17-vjeçar

Një 20-vjeçar ka rënë në prangat e policisë në Vlorë, teksa udhëtonte me një automjet tip “Porsche” të drejtuar nga një 17-vjeçar.

I riu ishte i shpallur në kërkim më herët për “vjedhje e kryer në bashkëpunim”, vepër për të cilën ishte dënuar me 7 muaj e 24 ditë burg në mungesë.

Po ashtu nisi procedimi penal edhe për 17-vjeçarin që drejtonte automjetin pa leje drejtimi.

Njoftimi i policisë:

Qarkullonte me një automjet që drejtohej pa leje drejtimi nga një 17-vjeçar, vihet në pranga 20-vjeçari i shpallur në kërkim.

Procedohet penalisht 17-vjeçari që drejtonte automjetin tip “Porche”, në mënyrë të parregullt.

Shërbimet e Forcës së Posaçme “Shqiponja” të DVP Vlorë, si rezultat i kontrolleve të shtuara në terren, për parandalimin dhe goditjen e paligjshmërisë, si dhe për kapjen e shtetasve në kërkim, kanë ndaluar dhe shoqëruar dy shtetas që udhëtonin me një automjetip tip “Porche”, pasi nga verfikimet e kryera rezultoi se njëri prej tyre ishte shtetas në kërkim, ndërsa drejtuesi ishte shtetas i mitur.

Në vijim të veprimeve u bë ndalimi i shtetasit Xhuljano Hodaj, 20 vjeç, banues në Vlorë (pasagjer në automjetin tip “Porche”), i cili ishte shpallur në kërkim pasi Gjykata e Shkallës së Parë Vlorë e ka dënuar me 7 muaj e 24 ditë burgim, për veprën penale “Vjedhja”, kryer në bashkëpunim.

Gjithashtu, nisi procedimi në gjendje të lirë për shtetasin e mitur D. Z., 17 vjeç, banues në Tiranë, drejtuesi i automjetit tip “Porche”, pasi e drejtonte këtë automjet, pa leje drejtimi.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.