Voltana Ademi shkarkohet nga drejtimi i Shoqatēs së Bashkive

Shkarkohet Voltana Ademi, Pjerin Ndreu zgjidhet kryetar i Shoqatës së Bashkive. Vendimi u mor në mbledhjen e sotme, ku nënkryetar u zgjodhën Alma Hoxha dhe Ilir Xhakolli.

“Në Asamble marrin pjesë kryetarët e bashkive, zgjodhëm ekipin drejtues të shoqatës e cila kishte dy vite që nuk mblidhej dhe nuk funksiononte. Kërkuam mbledhjen e jashtëzakonshme të asamblesë, u zgjodh kryesia e përbërë nga tre vetë, unë u zgjodha kryetar. Ne nuk merremi me fantazira, në shoqata aderojnë bashkitë dhe jo kryetarët, nuk ka të bëjë me emrin e kryetarit, nuk kanë të bëjë emrat” u shpreh Ndreu.

Pas një mocioni ndaj kryetares së kësaj shoqate, Voltana Ademi. Përfaqësuesit e majtë në pushtetin lokal e shkarkuan Ademin nga drejtii i kësaj shoqate. Ajo nuk ishte e pranishme ne  mbledhje. Me heret ajo i ka dërguar një letër dytë ambasadave të akredituara në vendin tonë, duke i nxjerrë edhe emrat e personave që duan ta shkarkojnë.

“Në emailin e shpërndarë thuhet se: …me porosi të z. Pjerin Ndreu po ju dërgojmë këtë e mail në lidhje me mbledhjen e Komitetit Drejtues për të organizuar Asamblenë e jashtëzakonshme të Shoqatës së Bashkive. Qëllimi i kërkesës për mbledhjen e Asamblesë së Përgjithshme është për mbrojtjen e interesave të Shoqatës gjatë përfaqësimit të saj në Gjykatën Kushtetuese në lidhje me zgjedhjet vendore të datës 30 qershor 2019…..”, thotë Ademi.