Votuesit latinë, kyç për fitoren e Trumpit – ose humbjen e Harris-it

Nga Bernd Debusmann Jr,   (Pennsylvania)

Të dhënat fillestare tregojnë se ka një zhvendosje të ndjeshme drejt së djathtës nga votuesit latinë – që përbëjnë rreth 12% të elektoratit – ndihmoi në fitoren e Donald Trump.

Sipas të dhënave të para, Trump mori 45% të votave të latinëve këtë vit, krahasuar me 53% për Kamala Harris. Për krahasim, në vitin 2020, Trump mori 32% të votave në krahasim me 65% të Joe Biden-it.

Para zgjedhjeve, sondazhet sugjeronin se ekonomia ishte shqetësimi kryesor për shumë votues latinë – veçanërisht inflacioni. E dëgjuam këtë vazhdimisht nga votuesit latinë në shtetet e lëkundura si Pennsylvania dhe Nevada.

Shumë votues latinë gjithashtu  thanë se ata e ndjenin thellësisht mesazhin e Trump për një kufi më të fortë dhe kufizime më të rrepta për emigracionin – edhe ata që ishin emigrantë, ose fëmijët apo nipërit e emigrantëve.