Xhaxhi Edi! Ti je përjashtim i njerëzimit…

Të lutem, Xhaxhi Edi!Është kënaqësi e madhe të të shohim ty çdo ditë. Të qeverisemi nga albume fotografie dhe të të shohim ty, teksa na nxjerr gishtin e mesit.Është kënaqësi të kemi analfabetë si deputetë dhe ministra.Është kënaqësi të shohim të dalldisurat e rilindjes teksa pozojnë para të famshmit dhe të pangatërrueshmit Agim Rama.Është kënaqësi të shohim Gjallesën që na përshëndet çdo ditë me pamje nga liqeni artificial, ndërkohë që kullat po e kafshojnë çdo ditë e më shumë këtë vend.Është kënaqësi Xhaxhi Edi! Ti je përjashtim i njerëzimit. Kur erdhe në jetë, nuk ishte një ditë e zakonshme. Kur ti erdhe në jetë, lindi një gjeni.

Post Scriptum- Ne nuk të meritojmë madje. Ti je një hap para njerëzimit dhe po sakrifikohesh për ne, duke na dhënë kohën tënde. Jemi ne që duhet të të falenderojmë.