Zbardhet vrasja e Briken Sanajt, autori është arratisur drejt Belgjikës

Policia ka arritur të zbardhë vrasjen e Briken Sanajt, e ndodhur pak javë më parë në zonën e Kodrës së Diellit. Hetuesit kanë arritur të identifikojnë autorin e krimit, emri i të cilit nuk bëhet i ditur për momentin.

I vetmi informacion, që është zbardhur për momentin është se policia ka arritur të zbulojë se autori i krimit është arratisur drejt Belgjikës. Krimi ndodhi më 31 tetor, pasi viktima doli nga garazhi i makinave në trotuar.

Autorët e maskuar e kanë ndjekur në këmbë dhe dyshohet se e kanë qëlluar me armë disa herë në fytyrë. Nga hetimet parapake, hasmëria dyshohet të jetë motivi i krimit.

Sanaj, nga Lezha, ishte një emër i njohur për policinë, pavarësisht se rezulton me disa emra, pasi ishte i dyshuar për një plagosje.